Vaksina e gripit ju mbron nga influenca( gripi) sidomos ato kategori që kanë risk. Vaksinat ju mbrojnë nga shtamet qarkulluese të gripit vetëm 2 – 3 javë pas injektimit deri në fund të sezonit gripal. A janë të sigurta? Shpesh na pyesin se nga vijnë dhe a prodhohen në vendin tonë. Vaksinat prodhohen jashtë nga kompani të specializuara për prodhimin e vaksinave si Sanofi, GSK etj. Janë të kontrolluara dhe ndryshojnë çdo vit në përputhje me shtamet e gripit të cilat ndryshojnë çdo vit( pësojnë mutacion).
📍Bera vaksinën dhe menjëherë u sëmura!
Vaksina e gripit ka veti të nxisë një përgjigje imunitare të njëjtë me atë të virusit kur hyn në organizëm për herë të parë. Nëse ju jeni ekspozuar ndaj virusit menjëherë pas vaksinës ose dhe disa ditë para saj keni risk për të zhvilluar grip edhe pse jeni vaksinuar sepse periudha inkubatore e gripit është disa ditë, ndërsa mbrojtja nga vaksina fillon pak më vonë.
📍E kam fëmijën alergjik a duhet ta vaksinoj?
Varet, nëse fëmija është alergjik nga proteinat që ndodhen tek veza dhe pula apo ndaj neomicinës mos e vaksinoni, në të kundërt bëjeni. Alergjitë nga polenet apo pluhuri i shtëpisë, kafshët nuk kanë të bëjnë me vaksinën.
📍Mos i vaksinoni fëmijët nëse i keni me temperaturë ose me shenja të tjera gripale! Prisni sa të shërohen.
📍 A duhet të vaksinohen gratë gjatë shtatzanisë?
Po, gratë shtatzanë mund të vaksinohen sepse vaksina e gripit përbëhet nga shtame të inaktivizuara të virusit. Kujdes tregohet vetëm në tremujorin e parë. Në periudhën tjeter nuk ka problem.
📍Kush mund të vaksinohet?
Fëmijët, gratë shtatzanë, të moshuarit, të sëmurët kronikë, punonjësit e shëndetit dhe të tjerë që kanë kontakt me shumë njerëz.
📍A ka efekte anësore vaksina?
Po ka, por në nivele minimale si psh: dhimbje tek zona ku injektohet, skuqje, dhimbje trupore, temperaturë.